-
اكتئاب المسنين
والدتي عندها ٧٨سنه ومريضه ضغط وسكر وقلب وكهرباء في المخ من كتر الادويه والأزمات اللي حواليها بقت تعاني من اكتءاب ونوبات هلع كشفنا عند دكتوره العام الماضي اخدنا سيبرااكس ١٠,قرص صباحا وكويتا بكس ٢٥قرص قبل النوم وبعد /٣شهور وقفنا القرص المسائي والدنيا اتضظبطت الحمدلله بس بقالنا شهر تاني لمرجع نشتكي من نفس الاعراض اللي هي مضايقه علي طول وتتعصب علي اي حد واللي يكلمها بتزهق منه بسرعه وعايزه تبكي دايما أو تمشي في أي مكان وتروح دار مسنين وهكذا والكلام دا كنت بسمعه منها السنه اللي فاتت وبعدين وقف بعد العلاج النفسي دلوقتي رجع تاني مش عارفه اروح لدكتور ايه تاني خاصه انها لا تتحرك الا بصعوبه شديده
وشكرا جزيلا
-
3 الإجابات
-
شفاها الله وعفاها.
_الإصابة بالأمراض المزمنة مثل الضغط والسكر لا تسبب مشاكل نفسية، لكن صعوبة الحركة هي اللي بتسبب حالة نفسية صعبة بسبب الإنعزال عن العالم الخارجي وعدم القدرة على الخروج.
_يمكن حل مشكلة عدم الحركة من خلال الانتقال إلى الدور الأرضي للعمارة وتوفير كرسي متحرك ليسهل الخروج من المنزل وتغير جو المنزل.
_بالنسبة للأدوية في حالة كبار السن فيفضل دائمًا الحرص في تناول الأدوية حتى لا تسبب آثار جانبية خطيرة.
_ يمكن علاج الاكتئاب بالأدوية مثل: مضادات الاكتئاب أو العلاج النفسي من خلال الجلسات النفسية.
3:56
-
السلام عليكم
كبار السن او المسنين بيبقوا محتاجين معامله نفسيه خاصه لانهم بعد السن الكبير والعمر الطويل اللى عدى بيعتقدوا ان دورهم انتهى في حياه اولادهم وانهم (المسنين) اصبحوا عبء وعاله وحمل ثقيل علي من يرعاهم وخصوصا اذا كانوا لا يستطيعوا الحركه وتلبيه احتياجاتهم بنفسهم زى زمان وزى ما كانوا بصحتهم وعافيتهم ، وعلشان كده بتلاقيهم عصبيين وخلقهم ضيق ومنهم من يبكى لاتفه الاسباب وده لو مااخدناش بالنا وحاولنا نتعامل معاهم بحكمه وبفهم لمتطلبات هذا السن ممكن يتحول الى اكتئاب شديد وهايكون صعب خروجهم منه لو درجته شديده اوى
المطلوب من المحيطين بيهم يخلوهم يشعروا انهم مازالوا لهم اهميه في الحياه ووجودهم مؤثر في حياه ابنائهم واحفادهم
وده عن طريق اننا نخلي المسن او المسنه يساعدوا في شئون البيت ولو باقل عمل فيه جهد او مجهود يعنى حاجات بسيطه يعملوها وهما قاعدين وطبعا تشكروا جداا في العمل اللى عملوه حتى لو مش حلو واتعمل غلط ومش كما ينبغي
كمان تسألوهم دايما في امور حياتكم حتي يشعروا بالاهميه وبانهم مازال رأيهم مهم ومؤثر فيكم
مهم انهم يعيشوا معاكم ومع احفادهم لان الاحفاد والاطفال بيشغلوا دماغ المسنين وبيلعبوا معاهم وبيحسسوهم بالحياه والفرح والسعاده وده مهم جدااا لنفسيتهم
محاوله خروجهم باى طريقه كل فتره من البيت حتى لا يشعروا بالملل والسقم
كمان دعوه الناس القريبين منهم لكى يزوروهم في بيتهم حتى يستأنسوا ويشعروا بالالفه والتقارب مع ناس بيحبوهم وبيرتاحوا للكلام معاهم
الخلاصه اجعلوا الجو العام حولهم فيه حياه و تجاوب مع المحيطين ومشاركه معهم وليس فقط امراض وادويه وافعل ولا تفعل وده غلط علي الصحه وده خطر واوامر ونواهى باستمرار
وربنا يخليهم ويبارك فيهم وفي صحتهم دايما يارب .
-
السلام عليكم طاهر عطا / اخصائي نفسيى اكلنيكي
بعد التحية ،،
لقد قرأت الرسالة بتمعن واتضح ان هناك ازمة تخص المريضة لا يوجد لها سبب محدد ( السبب مبهم ) مما ادى الى عدم قدرت المرافقين مراعاة المريضة ومعرفة السبب الحقيقى لهذة الاعراض المتكررة ، ومن هنا ارى ان هناك سبب رئيسي لحدوث ذلك ( واذا اتضح السبب وضحت الرؤية وزالت الاعراض باذن الله ) وهناك شخصين هما المختصين لمعرفة ما هو السر لما وراء الاعراض اما طبيب ماهر جدا ، او معالج متخصصص فى العللاج النفسي المعرفى السلوكى .
شكرا لكم
مع اطيب تمنياتي بالشفاء العاجل..
طاهر عطا
Log in to reply.