-
الاكتئاب
السلام عليكم
هبدأ القصه من الاول كنت في ثانوي العام الماضي ومحصليش نصيب اني ادخل الكليه اللي كنت عايزاها دخلت في اكتئاب وزعل بس ربنا كرمني بالكليه الاحسن الحمد لله بس برضو الاكتئاب موجود وصلت لمرحله الخوف والقلق والتوتر الزايد بشكل غير طبيعي لدرجه الالم في معدتي وصل بيا الخوف اني خايفه افقد حد وكنت بخاف من حاجات ملهاش وجود اصلا قولت لازم افوق لنفسي وبالفعل بدأت اسيطر علي نفسي والخوف والتوتر والقلق اختفو كنت بقرأكتب عشان اشغل زهني بس في اوقات كنت بستسلم للخوف عايزه ابطل تخاف عايزه لما شخص يحكي قدامي حاجه تخوف عادي مخفش انا وصلت لمرحله اني مش عايزه اسمع حاجه وحشه مش مستحمله وكمان عندي تفكير زائد جدا ممكن مثلا لو موقف حصل مع لشخص افضل افكر في الموقف لدرجه اني تخاف يحصل معايا كدا دماغي وجعتني من التفكير انا عمري ما كنت كده في يوم الايام مع العلم اهلي بيحاولو يخرجوني من الاكتئاب
مبقتش قادره اتقدم خطوه واحده لقدام مش قادره اخد الخطوه دي اصلا عندي عجز ومش عايزه اعمل حاجه عايزه افصل عن العالم دا يومين بس وانا هبقي افضل
انا بعرف اسيطر علي كل اللي حكيته دا بس بخرج بعمل اي حاجه تلهي دماغي عن اي تفكير سلبي يبقي كويسه غير كدا انا مش كويسه
اه كمان ماكنش عندي تفاؤل كنت دايما متشائمه بس بفضل ربنا الحمد لله مبقتش كده بنسبه90%
كمان كنت بكتب ولما بكتب كنت برتاح يمكن دي الحاجه اللي ساعديتني ابقي افضل
انا عايزه مقلقش ولا اتوتر ولا اخاف لان معدتي اللي تعبت وتأذت كمان
عايزه ابطل افكر كتير اكتر حاجه تعباني
عايزه ارجع البنوته المتفائله اللي دايما كانت تضحك وتنشر السعاده لان عمري ما اكتئبت
اخر حاجه واسفه علي الاطاله لما بحس بالتفكير الزايد بقرأ قرأن وبستغفر وبصلي الحمد لله منتظمه
Log in to reply.