-
قلة النوم
انا تعبت من سنه ونصف وعملت كل الفحوصات الطبية علي القلب والمعده وطلع معنديش شئ عضوي وعندي الضغط بقالي عشرين سنة وباخد اكسفورج خمسه مائه وستين وعندي خمسه وستين سنه ورحت لدكتور نفسي لان كنت زعلانه علي تعب ابني وعمل اشعه بالكهرباء علي المخ وقال فيه كهرباء بسيطه وعمل اشعه رنين على المخ وقال فيه جلطات بسيطه وعدت الحمد لله وانا عندي خوف علي كل حبايبي خوف شديد من ايام الكورونه كتب لي علاج لوسيدريل خمسمائه ودونيبزيل وفافرين ودوجماتيل خمسين وبوسبار عشرهاخذتهم سنه وأربعة شهور وقالي دي ادوية وقايه وانا بطلت اخدهم مشكلتي اني مبنمش خالص وتعبت كتب لي دواءمنوم اسمه تربتيزول خمسه وعشرين لاني كنت ببكي من قله النوم كنت انام يوم وفي ايام كتير منمش واقعد اعيط وابكي من قلة النوم سألت الصيدلي قالوا في دويين بينيمو زولام اوكالميبام ثلاته جراماخدت كالمبيام بقالي شهرين هل تربتيزول افضل مع الدجمنتين والبوسبار وهل هفضل اخد دواء المنوم طول العمر وهل له اخطار على المخ ارجوك انصحني اعمل ايه وجزاك الله كل الخير يادكتور
-
1 رد
-
بسم الله البارئ
ألف سلامة على حضرتك
فى البداية أنا لا أعمل بأى مواد كيميائية لا أستخدم أى أدوية فلا أستطيع أن أفيدك فى فكرة تأثير دواء على دواء يعمل إيه لكن بلا أدنى شك أن تناول الأدوية بإستمرار يؤثر على الجسم كله ومع الوقت يفقدها تأثيرها، لكن اللى أقدر أقول لحضرتك أن المشكلة عندك فى الجزء الخاص بالخوف لإن كثرة الخوف بتجعل المخ يعطى إشارة للجسم يفرز هرمونات كتير يأمن نفسه بيها علشان بيكون حاسس إنه فى خطر والهرمونات دى بتأثر على الحالة المزاجية بإنك تكون شاعر بالقلق والضيق وتساعد الجسم على إنه يكون فى حالة يقظه علشان يكون فى وضع إستعداد لأى شئ ممكن يحصل فجأة والشئ السيئ فى هذا الوضع إنه لما بيتكرر كتير المخ بيعتاد أنه يخلى الجسم يفرز كل الهرمونات دى بإستمرار حتى لو مش عندك نفس حجم الخوف كل يوم لإنه بيحول الأمر لعادة
والحل بيكون فى إننا نشتغل على الخوف علشان نعالج جذورة وده عن طريق الأفكار وكمان المسارات العصبية اللى فى المخ لفترة حتى يغير المخ عادات الخوف لعادات الأمان وكل ما هيقل الخوف كل ما هتقدر تنام بشكل سهل
أنصحك فى الفترة الحالية على أد ما تقدر متزودش الهرمونات التى تجعلك متيقظ كتير وده من خلال الأتى
حاول تمشى كل يوم على أد ما صحتك تقدر لإن ده بيساعد الجسم على إنه يقوم بالوظائف الحيوية للجسم وكمان بيزود فى الجسم هرمون الدوبامين وده بيقلل من وجود الهرمونات التانية بالتبادل كل ما هو يزيد هما يقلوا
حاول تأكل خضروات وفاكهة فى اليوم لإنها بتساعد الدم اللى فى الجسم إنه يكون قلوى فيعلى عندك المناعة ويقلل من تواجد إحساس القلق والإضراب وإشرب مياة بشكل كويس وقلل من الأكل اللى بيخلى الجسم يبذل مجهود كبير بالليل يعنى كل اللى تحبه بالنهار وخلى فترة الليل للحاجات البسيطة علشان جسم ميكونش مجهد بالليل، وقلل من المشروبات اللى فيها كافيين بالليل
يفضل إنك تبعد بالليل على الشاشات قبل النوم من نص ساعة لساعة لإن الضوء الأزرق الخارج من الشاشات بيقلل من هرمون المسئول عن النوم بيجعلك فاقد الإحساس بالشعور بالنوم فممكن لو حابب تشغل نفسك بشئ قبل النوم ممكن تجعله سماعى زى الراديو أو أى شئ مسموع
وربنا يعافيك من كل سوء ويعطيك الصحة
Log in to reply.