-
ضغط نفسى
انا دايما مش بشوفنى حلوة مع ان ناس كتير يقولى انى حلوة هو انا مش ملكة جمال بس مقبول
بس متقدملى عريس مشافش شكلى كان خاطب مرتين قبلى هو واخد ماجستير فى الشئون القانونية ويشتغل فى الكويت انا ساكنه فى قرية فالفرص فيها ضعيفة بالنسبة المؤهل بس انا خريجة تجارة انجليزى عندى ٢٢ سنة وانا عايزة اكمل دراسة واشتغل فى القاهرة بس اهلى مش موافقين وشايفين العريس دا فرصة كبيرة بس انا مش حاسة انه مهتم مجرد انه عايز يتجوز وخلاص وحاسه شغفه خلص لانه كان خاطب مرتين قبلى حاساه شايفنى جوازة وخلاص دا مسببلى ضغط نفسى كبير جدا مش عارفة اعمل اى
-
1 Reply
-
بسم الله الهادى
أولاً مهم إنك تشتغلى على أفكارك شوية يعنى فكرة إنك مش شايفة نفسك جميلة ده محتاج إنك تغيير الفكرة دى من دماغك لإن مفيش حد هيشوفك جميلة طول ما إحساسك بنفسك كده ، مش لازم أشوف نفسى ملكة جمال لكن محتاج أشوف نفسى إنى من صنع الله ونفخ فيا من روحه وفيا حاجات كتير فى روحى وتصرفاتى جميلة فأستحق أن أكون جميلة، والفكرة الثانية إن فرصك قليلة فى القرية دى حاجة بردوا محتاجه تشتغلى عليها لإن الرزاق هو الله فى أى وقت وفى أى مكان وبما أن إنتى فى البلد وفكرك وإجتهادك وصلك لكلية تجارة إذن هيكون فى ناس تانية عندهم نفس الشئ وممكن جداً أجد فرصة عظيمة فالرزاق موجود
ثانياً ممكن تعودى مع أهلك وتكلميهم بالراحة فى إنك لسه صغيرة ومحتاجة تطورى فى نفسك وفكرك وتشتغلى وإنك مش حاسة إنك مرتاحة فى خطوة الزواج حالياً أو مش مستعدة نفسياً وفى الآخر هما كل اللى يهمه إنك تكونى سعيدة وخلى عندك نية طيبة بالخير من جواكى وربنا هيكرمك وعلى يقينك بالله فكل ما زاد إيمان ويقينا بالشى بيحدث سواء بالسلب أو الإيجاب
ثالثاً ممكن لو إرتبطى بالعريس تشوفى فيه الشخص اللى تتمنية وهو يشوف فيك الفتاة اللى يتمناه لإن ممكن جداً تجاربه السابقة وصلته لفكرة جوازه والسلامة ولكن لما يلاقيكى مختلفة يكون مختلف معاكى ويحبك وتكون علاقتكم علاقة نجاحه وإنتى كمان ممكن تكونى مش عارفه كويس ولما تعرفيه تتأكدى من إحساسك إنه شخص سيئ فتفكوا الخطوبة أو تكملوا لو حاسيتى إنه يستاهل وشاريك وشخص قادر على مسئولية الزواج وده مش فى يوم وليلة، ففكرى وإهدى وشوفى الأنسب ليكى إية وربنا يصلح حالك ويوفقك للخير
Log in to reply.