-
الوسواس القهرى
أنا اكتشفت إن عندى وسواس قهرى بأنواع مختلفة منه<div>والاخص فى الذات الإلهية والنظام والبطئ</div><div>وأنا بعانى من كده بقالى اربع سنين وأنا دلوقتى تانية جامعة</div><div>ومع أنى حافظة القرآن الكريم كاملا ومحافظة على وردى يوميا واذكارى وصلواتى</div><div>وأنا مكنتش أعرف إن ده مرض بس أنا كنت ببقا مضايقة من التفكير الزايد والترتيب والنظام الدقيق والبطئ فى أى فعل بعمله</div><div>وسمعت كذا دكتور على اليوتيوب وتاكدت إن الأعراض اللى عندى دى بينتلى إنى مريضة بالوسواس القهري</div><div>وجيت اتكلمت مع ماما لما سمعت الدكاترة بتقول إن اللى عنده الأعراض دى لازم يتعرض على دكتور نفسي وهيا مش مقتنعة إن ده مرض ومفكرة ان فيا جن وزعقتلى وتقولى ازاى تقولى كده على ربنا سبحانه وتعالى</div><div>وتفكرى كده فى الناس بالطريقة الجنس…*</div><div> والعياذ بالله</div><div>وأنا بقعد أقول استغفر الله العظيم و اتوب اليه</div><div>واللهم صل وسلم وبارك على سيدنا محمد</div><div>ولا إله إلا الله وحده لا شريك له</div><div>واذكر ربنا كتير ومفيش أى فايدة</div><div>ممكن نصيحة حضرتك لأنى تعبت جدا من الموضوع ده وأنا شخصية كتومة ومكنتش بخلى أى حد يحس بأى حاجة أنا بتألم بيها او بفكر فيها ومكنتش بشكى لأى حد نهائي.ودايما عندى حالة من الخوف والتوتر بسبب أو بدون سبب ومبقاش عندى أى شعور بالفرح يعنى مبقتش اخرج نهائى او انى اروح فرح وغالبا مبقتش اتكلم مع حد ولا انى اندمج مع الناس </div><div>والسلام عليكم ورحمه الله وبركاته</div><div>آسفة طولت على حضرتك </div>
-
2 Replies
-
السلام عليكم
بسم الله البارئ
ألف سلامه عليكى وربنا يعافيكى
أولاً هو من كلامك أن بتكتمى كتير وتسكتى كتير فده بيخلى الشيطان يدخلك كتير وفكرة زيادة القلق والتوتر بسبب أو بدون سبب ده ناجم من أن المخ لما بيلاقى عندك قلق وتوتر بيدأ يفرز هرمونات القلق علشان يأمن الجسم مثل الأدرينالين والكورتيزول ومع الوقت المخ والجسم بيتعودوا على إفراز الهرمونات دى بكثرة بمجرد التفكير البسيط منك لأى شئ وتعطى ليه وصف بإنه ممكن يوتر أو يقلق أو علشان المرض اللى عندك فيقوم المخ بإعطاء إشارة تخلى كل الهرموات بتاعة القلق تنزل للجسم وتلفى فى نفس الدائرة تانى
إنتى محتاجة تعودى مع مختص علشان تبدأ تتعاملى مع كل الأفكار اللى بتخلى الخوف والقلق والتوتر تنشأ من الأساس لإن حل الأمور بالتعامل مع الأفكار دى والتغلب عليها وليس بفكرة التعامل مع الجن
فالمختص هيعملك خطة علاج كاملة تمشى عليها فترة علشان تهدى من القلق علشان جسمك يهدى والأمور متطورش أكتر من كده
-
السلام عليكم طاهر عطا / اخصائي نفسي اكلينيكى
لا يمكن تشيخص الوسواس القهرى عن طريق الانترنت او الفيديوهات وهذا كلام غير مقبول عندنا ولا ننصح به وكل التفاصيل التى ذكرت هي طبيعية واذا لم تذهبى من قبل للتشخيص فلا تعطى لنفسك فرصة فى التفكير فى هذا الاضطراب … بعد التاكد من صحة الاضطراب يستطيع المعالج ان يضع برنامج علاجى مناسب الى حالتك ، وارجو عدم ربط الحياة الدينية بالاضطرابات النفسية ..
شكرا لكى
مع اطيب تمنياتي بالشفاء العاجل..
طاهر عطا
Log in to reply.