-
استشاره نفسيه
انا بقالي فتره معاني من مشكله <div>انا من شهرين أو اكتر من وقت موت اخت صحبتي هي مش صحبتي اوي بس انا حاسه اني هموت ومن صغري عندي الاحساس دا وكمان ماما قالت عادي في كلام كنا بنتكلمه انا مبتفائلش بالسنين الفرديه دلوقتي بجد نا بقالي شهرين في رعب انا الاول كنت حاسه اني هموت ومخنوقه ومش عاوزه اتكلم مع حد وعاوزه اعد لوحدي لغايه مقلت لا انا هبتدي اقعد مع عيلتي وكدا عشان ميلاحظوش المهم كل ما اسمع حاجه عن الموت احس انها اشارة ويجيلي خنقه لغايه ما ابتديت احس ان ال عندي اعراض جلطه وكشفت مرتين والدكتور بيقول ان كويسه بعدها الأعراض راحت من عندي واه ف الشهرين دول كان عيدميلادي ويومها كنت مكتئبه ومش عاوزه حد يكلمنيووانا بكتب لحضرتك حاسه الاحساس دا وبدأت احس بتقل تاني وكمان بترعب أنام بليل وكل شويه اسرج الكشاف اشوف في حاجه موجوده معايا او ملك الموت وبرضو انا الاول خالص كنت بتخيل مجرد تخيلات اول امبارح كنت بفكر ف الموضوع تخيلت ماما معديه بس نا مش شايفه ملامحها مع انها قاعده في الاوضه ودي اول مره تحصلي وأحيانا ببص في المرايه ببقي مستغربه اني دي انا وبقالي فتره حرفيا لو سلمت على حد يجي في دماغي اني هموت مثلا ويقول انو كان شايفني قبلها بكم يوم ودلوقتي لما بروح الجامعه بحس ان عندي تشوش في الرؤيه احيانا او ضباب او حاجه وماما بما انها اقرب حد ليا فبقالها فتره بحسها بتتعامل معايا بطريقه مختلفه بترمش كتير لما تكلمني ومبتصش في عيني نا ونا بكلمها بكون مش بصالها لاني بكون خايفه تحس بال انا فيه لأنها كانت اقرب حد ليا ونا بعيده عنها دلوقتي وبقت لما تكلمني مثلا ف الجامعه بحس انها قلقانه اقول لنفسي هي ممكن تكون حاسه اني هموت ومعدتش بتتعامل معايا بأريحية زي الاول</div><div>وكمان لما بسمع صوت شيخ معين مبقتش بحب اسمعه بحسه زي صوت العزا ومش بكون طايقه اني اسمعه خالص مع اني ممكن احب اسمع شيخ تاني</div><div>يرب حضرتك تشوف رسالتي يا دكتور لاني تعبانه بجد وبتخنق</div><div>وكمان اي حد يحصله اي حاجة اول سؤال اسئله هو مات مثلا لو قالولي لا اقول لنفسي احسن حاجه بدل ميموت </div><div>وبقيت كل مشوف ماما حزينه اقول اكيد خايفه اني اموت وبقي عندي نسبه خوف اني اتعامل مع حدوكمان اي حد يحصله اي حاجة اول سؤال اسئله هو مات مثلا لو قالولي لا اقول لنفسي احسن حاجه بدل ميموت </div><div>وبقيت كل مشوف ماما حزينه اقول اكيد خايفه اني اموت وبقي عندي نسبه خوف اني اتعامل مع حد والفتره دي بقالي اسبوعين بشبه علي المواقف بطريقه مرعبه كأني عشتها قبل كدا وسمعت الكلام دا وشفت الموقف دا ودي حاجه بتخنقني وكنت بعمل حاجه فجأه حسيت حاجه بتقولي هتموتي دلوقتي في حاله زي نوبه هلع وامبارح برضو حسيت بنفس الموقف ارجوكم قولولي انا عندي ايه لاني كشفت كتير وكل بيقول ان كويسه عضويا وبقيت بخاف من صوت حيوان بحس انه هموت وبحس كل حاجه بتكرر حواليا لو بعت رساله احس اني بعتها قبل كدا وبنفس اللبس وكل حاجه دا ممكن يكون بسبب اني هموت فعلا ودي أحداث نا بفتكرها ولا ليها علاقه بمشاكل ف المخ من القلق والاكتئاب ودلوقتي عدي اسبوع مثلا باخد مودابكس بس بقيت حاسه بلامبالاه يعني معتش متوترة بس ممكن لوهله بيجيلي احساس ان الشعور حقيقي بس لسه بشبه علي كل حاجه ممكن مسلسل اول مره يتعرض اشبه عليه فممكن تفيدوني وتقولولي ال انا فيه اي </div>
-
1 رد
-
السلام عليكم
انتى عارفه انتى بتفكرينى بايه ؟؟ بحد طالع رحله مدتها ثلاث ايام وهو مسافر زعلان انها ٣ ايام فقط ولما وصل للمكان اللى رايحله مكتأب انه هايرجع بعد ٣ ايام وانتهت الرحله ورجع اشد حزنا واكتأبا لان الايام خلصت
ولما رجع لاهله سألوه عملت ايه وشوفت ايه وقضيت وقتك ازاى … احكيلنا .. فرد عليهم : معملتش حاجه وماشوفتش حاجه وماستمتعتش بحاجه ولا فاكر الاكل الحلو اللى اكلته ولا اخدت بالى من الناس والصحبه اللى كانت معايا ، …. ولما سألوه ليه ده كله ؟؟
قالهم : انا مكنتش مركز في ده كله ، انا كنت مركز فقط في حزنى وزعلي ان الاجازه او الرحله هاتخلص بعد ٣ ايام !!!!!!
شوفتى بقي … انه ضيع الرحله والاجازه والاستمتاع بيها وبالجو والاكل والصحبه واللعب والجرى ، كل ده علشان باصص للنهايه فقط ومركز عليها ومش شايف غيرها
او واحد بيمتحن وبدل مايجاوب في ورقه الاجابه ، قاعد خايف ومرعوب ان مده الامتحان هاتخلص امتى وياترى هايعرف يحل ولا لا ، لحد ما خلص الامتحان وهو محلش حاجه وسقط في الاخر ولم ينجح !!!!
كلنا هانموت في يوم وساعه ولحظه معينه ، دى الحقيقه المؤكده الوحيده في الحياه ..تخيلى ، وحتى وقت النهايه مانعرفش امتى هاييجى ولو فضلنا مش شايفين غير اليوم ده واللحظه دى… يبقي عمرنا ماهانعيش الحياه ولا هنحل في الاختبار اللى كل واحد مننا جاى الدنيا دى علشان ينجح ويتفوق فيه وهانسيب الدنيا واحنا لا حلينا ولا نجحنا ،
خلى تفكيرك وتركيزك كله في ازاى تعيشي الحياه اللى ربنا وهبها لكى وازاى تأدى المهام اللى مطلوبه منك في الحياه عامه ، وازاى يكون وجودك في الحياه له فايده واهميه لكل اللى حواليكى ، وازاى تسيبى بصمه واضحه للى هاييجوا بعدك وينتفعوا منها،
وازاى تستمتعى اثناء رحله الحياه دى بكل شئ يسعدك ويفرحك وفي نفس الوقت يرضي ربنا سبحانه وتعالي .
اطال الله في عمرك بالخير والنفع لكى ولكل من حولك ، امين يارب
Log in to reply.