-
الم نفسي
معهد تجاري كانت شخص عايش حياته زي باقي الناس كنت احب قعود مع صحابي وكنت عايش حياتي كان الشارع دا وانا صغير كان بيتي الثاني كنت بتاع مشاكل كنت اكتر واحد بيعمل مشاكل في شرعنا وبره شراعنا كنت ديمان بجيب لأبويا وامي مشاكل وكانو كل يوم ينزلو يحبوني من الشارع وكان ابويا يضربني عشان بجبلة المشاكل كنت اخش الخناقه قصاد 4 او 5 كنت بقوم بيهم لوحدي مكنتش اسمح لحد يجي عليا في مدرستي كنت مشهور ب الفتوه كنت اضرب كبير وصغير لحد لما ابويا لقاني بجبلو مشاكل وقلي انت هتيجي معايه الشغل كنت مبسوط اوي لحد لما نزلت وراني الجنيه بيجاب ازاي كنت اروح اترمي علي السرير من التعب كنت كل اجازه من المدارس انزل معه الشغل لحد لما اشتغلت في مكان لوحدي بعيد عن ابويا كان صاحب المكان بيحب ابويا اوي ومن هنا ابدي ابويا يتعب كان لو حد زعلني وانا في الشغل منتش اقول لابويا كنت احب اجيب حقي مكنتش اقوله كان ابويا الله يرحمه كنت بحبه اوي كان بيخدني معه في كل مكان بروحه كان يوم الجمعه دا عيد بالنسبالي لما يخدو اجازه جيه فيوم كنت في الشغل رجعت وانا صغير بسأل عليه قلولي ابوك تعب وتنقل علي المستشفي واختي كانت بتبكي مبقتش عارف اعمل اي قلتلها هوفين وانا اروح له قلتلي دا بعيد في مدينة نصر بقيت اكلمهم في التلفون وطمن عليه ومن بعدها بفتره توفي ابويا وانا في سحله وضغط نفسي وتوهان وقلة تركيز وصدمات كتير وخذلان من نفسي وتعب نفسي وجسدي وببعد عن كل الناس وبحب اقعد لوحدي ومش موفق في حياتي
-
2 الإجابات
-
اولا ربنا يرحم والدك ويغفرله
وربنا يجعل ما فعله بك في ميزان حسناته لأنه انقذك من ضياع نفسك وجعل منك رجل يعتمد عليه ودا شئ ليس سهلاً في هذا الزمن
حابب اكمل كلام معاك بقا انت مبدئيا شكراً ليك إنك جيت تسأل على حل تفضفض بمشكلتك اللي عايزك تبقي عارف أنه هي طبيعيه ولازم تحترم حزنك وتاخد وقتك متجلدش ذاتك وتحاول تنكر مشاعرك دي
بس لازم تعرف أنه في حد فاصل بين إنك تحزن عادي وأنك تخش في حالة من اكتئاب أو العزلة بشكل كبير ، زي ما قولتلك احزن وعيط لو عايز ومتقولش لنفسك مينفعش انا راجل انا مفروض اشيل البيت لا انت شخص لي مشاعر زي ما بيفرح زي ما بيحزن عادي حاول تتقبل مشاعرك لو طولت عن ست شهور من الحالة دي تقدر تروح لمتخصص يساعدك بشكل أعمق.
-
يسعد مساءك بكل خير طيب اولا عايزك تحكي مع نفسك بالشكل ايجابي افضل من كده انت انسان مميز وناحج غير كده كلنا عندنا نفس شعورك انا مقدرة الضغط العصبي اللى عليك ليك بس شوية خطوات الاول تجنبي اى محفزات عصبية مارس اى نوع رياضية تمشي ربع ساعة هيفرق معاك جدااا كمان عايزك تتنفس تاخد نفس وتحبسها 4 ثواني وتخرجه 4 ثواني كررى كذا مرة لغاية لم تهدى كمان لم تحسي انك هتتعصب ع اى في لحظة دى ادخل البلكونة او اعمل اى حاجة فى المطبخ او اخد شاور او اتوضي وصلي او ادخل اوضتك وخد نفس كذا مرة واهد وراجع اتعامل ..كمان اخد بالك من صحتك اكلك اكل سلطة فاكهة المهم دخلى اى اكل صحي كمان اكتب كل مشاعرك واحساسيك ع الورق ارخص طريقة للعلاج بجد رائعة كمان اهتمى بذاتك ونفسك وكمان اقضي وقت مع صحبة الايجابية …انا فى انتظار ردك عليا
Log in to reply.