-
حل لمشكلتى القلق العام وصداقة البنات وارهاق من العمل
أنا مريض باضطراب القلق العام منذ 3 سنوات. واعمل في مجال الإعلام،
أتلقى العلاج من أطباء نفسيين منذ 3 سنوات ومعالجين نفسيين منذ 4 أشهر.
مشكلتي الجديدة هي أنني فقدت الثقة في نفسي بسبب عدم وجود أصدقاء بنات يحبونني، وأنا أرغب في الحب والاحترام.
عندما أحاول التقرب من فتاة في العمل، تقول لي “أنت مثل أخي”.
لدي علاقات مع زميلاتي البنات، ونقدم خدمات لبعضنا البعض في إطار العمل.
تعرفت على فتاة في عام 2017، كانت أول وآخر فتاة في حياتي.
كانت تستغلني كلما قابلتها، سواء بشراء الملابس أو الهدايا.
عندما طلبت مني أن أحضر لها هاتفًا محمولًا، رفضت وقامت بحظري على فيسبوك وتغيير رقم هاتفها.أقدر وأقدم كل الاحترام للمرأة، وأشجع أي فتاة على العمل.
أصبحت أشاهد أفلامًا إباحية كأنني أعالج نفسي من عدم وجود فتاة في حياتي.أصبحت أيضًا أشاهد صورًا لبنات أعرفهن وأقوم بتفحص صورهن. علي مواقع التواصل الاجتماعي
أحتاج إلى حل لمشكلة قلة الثقة بالنفسأنا مريض باضطراب القلق العام منذ 3 سنوات. مشكلتي هي أنني فقدت الثقة في نفسي بسبب عدم وجود أصدقاء بنات
محسسنى بذنب أشعر بخمول ورغبة في النوم نهارًا حتى المغرب، ولا أرغب في مقابلة الناس. أذهب إلى العمل مكرهًا فقط لأتجنب رؤية الناس في الشارع وأي شيء قد يعكر مزاجي.
تحاليلي العامة كويسة
أعمل 4 أيام في الأسبوع، تبدأ منتصف الليل. أنام نهارًا كثيرًا، حيث أصل إلى 13 ساعة في أيام الإجازة (3 أيام
-
5 الإجابات
-
السلام عليكم ورحمه الله
كتبت في رسالتك انك بتتعالج من القلق العام لمده ٣ سنوات ومع معالجين نفسيين من كام شهر … طيب مطلبتش منهم يساعدوك في حل مشكلتك النفسيه تجاه البنات او تجاه زميلاتك في العمل ؟؟
الغريب انك في مجال الاعلام ، يعنى هتلاقي نماذج كتييييييره من البنات اللى ممكن ترتاح في التعامل معاها
عموما … متاخدش البنت اللى كانت بتستغلك مقياس وتقول ان كل البنات هاتكون كده … لا … مش كل البنات بتستغل الشباب بالشكل ده ، وماتخليش ده يخوفك او يعقدك من الارتباط باى بنت تانيه
دور في محيط عملك على البنت اللى تكون مناسبه لشخصيتك ولطباعك وتكون سلوكياتها وطباعها متشابهه معاك و ماتسمحش لحد يستغلك بالشكل ده تانى ، لان البنت المهذبه واللى بتحترم نفسها واتربت على الحياء والاصول ، ماتطلبش طلبات زى دى من شاب لسه بتتعرف عليه !!!!!!!
توكل على الله واطلب منه يوفقك ويهديك للبنت اللى ترطبت بيها وتكون مناسبه ليك و تعيش سعيد معاها طول العمر باذن الله .
-
اما بالنسبه لنومك الكتير طوال النهار او عدم رغبتك في انك تخرج وتقابل الناس وبتروح شغلك مكرها …. فده نتيجه طبيعيه لانك فاقد شغفك بالحياه ومفيش هدف واضح بتسعى له في الحياه يشجعك ويحفذك انك تشتغل وتتعب للوصول له ولتحقيقه
حط هدف او مجموعه اهداف لك في الحياه وحاول تحققها ، وصدقنى اول ما هاتحقق هدف واحد منهم هاتحس بطعم الحياه وبنعمه انك لسه عايش وبتتنفس وبتحقق كمان اللى بتتمناه بالاستعانه بالله وبحوله وقوته
اطلب الهدايه والتوفيق من الله وحده وهو اللى هايهديك ويرشدك للى فيه خير لك باذن الله
تمنياتى لك بالتوفيق والسعاده .
-
السلام عليكم عزيزتي السائلة اهلا وسهلا بيك
المشكلة اللي عند حضرتك محتاجة اختبار سمات الشخصية عشان تعرف تتعامل ازاي وهنحتاج تواصل هنشتغل علي التواصل لان واضح ان حضرتك عندك مشكلة مع التواصل وهنشتغل علي الثقة بالنفس هتظبطلك الدنيا عشان تقدر تتخطي اما بالنسبة للقلق الموضوع بيحتاج علاج معرفي سلوكي وبيبقا نتايجه كويسة
مع ارق التحية نتمني لك الشفاء العاجل
-
مساء الخير..تحية طيبة…ع شجاعتك ورفضك لاستغلالك في حد ذاته ده قرار حاسم مش شخص ناجح وشغال في مجال أشكال وأنواع كتييير من البشر يكون وارد في قبول أو نفور طبيعية البشر المهم انت وحياتك ونفسك وشغفك..قبل ما تطلب الحب والاهتمام من الآخرين لابد انك تحب حالك واقدرها الاول من وتقديرك هيقدرك اللي يستحق التعامل معاك
غيرركده بتروح لمعالجة نفسي …!!!في علاجه ..طيب ابحث ع مختصيين صح يقدروا يساعدوك
بالتوفيق ان شاء الله
-
مساء الخير استاذ مصطفي …
,انا مقدر وفاهم اكيد ال بتمر بيه من وقت صعب
لكن حابب اسألك عن كام حاجة حضرتك ذكرت انك بتعمل في مجال الاعلام وشخص مساعد جدا لزميلاتك في العمل .لكن ليه منتظر مقابل المساعدة دي ان شخصية فيهم تنجذب ليك . علي الرغم انك ذكرت انها علاقة مهنية فقط ليه محاولتش تلاقي طريقة تانية للأرتباط . اما بخصوص مشاهدة الاباحية وممارسة العادة فهي مجرد ميكانيزم دفاع عن شعورك بالرفض من جهة الجنس الاخر و السبب لحضرتك شعورك بالذنب والرغبة في الهروب لانك مش راضي عن نفسك
Log in to reply.