أسماء فؤاد
تم إنشاء إجابة طبيب
-
اهلا يا ابراهيم
حاول تديني معلومات اكتر عشان اقدر اساعدك ولكن بشكل مبدأي انت بتعاني من قلق حاد مع اعراض جسمية زي ال panic attacks وده بيتطلب جلسات علاجية واحيانا ادوية ولحد ما تقدر تعمل ده التزم بمارين التنفس والاسترخاء ومواجهه افكار لرصد المنطقي والواقعي منها اللي بيساعدك انك تعيش بحرية والتخلص من الغير واقعي اللي بيعيقك من انك تعيش حياتك بحرية ، اما بالنسبة لل night terrors ف ده نتيجه القلق ونتيجه ان في حاجات كتير غير محلوله في الماضي مازالت بتطاردك
ولكن لو محستش بتحسن مع النصائح دي متترددش انك تطلب مساعدة متخصص
دومت بصحة جيدة
-
اهلا بيكي
اولا احب اطمنك ان صحتك مش هيحصل فيها اي حاجه طالما انتي مش متشخصه بمرض عضوي ولا اهلك حتي كل دي افكار بتيجي في دماغك بسبب اضطراب القلق واللي بيضللك ويقولك انك لازم تفكري في كل حاجه عشان تعملي حسابها لما تحصل ولكن الحقيقه انتي بتغرقي في دايرة مفرغه من الافكار السلبية والمشاعر المؤلمة اللي مش هتعود عليكي باي حلول ، الاضطراب قوي ويحتاج لتدخل متخصص حتي ولو علي سبيل التعليم النفسي لبعض الجلسات ، ولكن لحينها حاولي تكتبي كل الافكار اللي بتجيلك وبتيجي بسبب ايه هل بسبب موقف او ذكرى ايا كان لازم تبقي عارفة ايه اللي بيفعل الفكرة ثم حاولي تناقشي الفكرة هل هي حل ام مجرد دوائر فارغة ولاحظي مشاعرك بعدها.
اما بالنسبة لتمارين التنفس والاسترخاء فهي مفيدة جدا لو اتعملت بالطريقة الصح حاولي تسرشي عنها اكتر في فيديوهات عنها كتير بس وانتي بتعمليها اعتبريها بريك من الافكار وصفي ذهنك
واخيرا لزيادة تقدير الذات انصحك بكتاب تعزيز تقدير الذات لرانجيت سينج مالهي
دومتي بصحه جيدة
-
اهلا بيك
اولا شكرا لصراحتك وعشان كده انا هكون صريحة معاك:
مفيش نصائح عامة ممكن تخليك تتحسن لازم تبدا جلسات علاجية بسرعة لو مش عايز باقي عمرك يتسرق زي اللي فات ابدا من دلوقتي اتعب النهاردة عشان تقدر تامن بكرة ، مفيش اي حاجة علاجها صعب طالما صاحبها عايز يعالجها عشان كده متترددش انك تسترد حياتك مرة اخري وتعيش حياة تستمتع بكل لحظة فيها
-
اهلا بيكي
مينفعش ابدا نعمل اي تغيير في الادوية بناءا علي استشارة اي حد غير الطبيب اللي كتبهم او نعرض الحاله كلها مرة اخري علي طبيب اخر ولازم كمان تكتبي كل المعلومات عنهم ومتشخصين ايه هل سعانوا من فرط الحركة وتشتت الانتباه ام لا لكن مينفعش تاخدي نصيحه من اي حد غير الطبيب المعالج في اي شئ يخص الادوية سواء دواعي استعمال اتوموكس أو بديل اتوموكس أو عن أي دواء أخر.
-
تم تعديل هذا الإجابة منذ 11 الشهور و 2 أسابيع بواسطة
صحة سكاي .
-
تم تعديل هذا الإجابة منذ 11 الشهور و 2 أسابيع بواسطة
-
هلا يا مريم
انتي بتعاني من اعراض اضطراب القلق وانخفاض المزاج الوازع الديني شئ جميل ولكن انتي محتاجة علاج وده اللي ربنا قال عليه عشان كده حاولي اولا انك متهربيش من الافكار اقفي وواجهيها واعرفي دايما ان هروبك من اي شئ هيزود معاناتك منه اسمعيها وحسيها واتناقشي معاها اعرفي انه منها منطقي وواقعي بيساعدك تعيشي حياة احسن وانهي بيعيقك عن انك تعيشي حياتك بحرية ، ثانيا خدي بريك من التفكير لمدة دقيقة واحده ومتقكريش في اي شئ فكري بس في اللحظة اللي انتي فيها اعتبريها استراحة من القلق والتفكير كل ما هتقدري تعملي ده كل ما هتقدري تتحكمي في افكارك اكتر ، وعليكي طبعا بتمارين التنفس والاسترخاء التي ستقلل من حدة القلق وانك تحبي نفسك للدرجة اللي تخليكي تبذلي شوية مجهود النهاردة اللي هيبنيلك حياة افضل بكرة ، انتي بتستثمري في نفسك يعني مجهود مستحيل يضيع .
دومتي بخير
-
تم تعديل هذا الإجابة منذ 11 الشهور و 3 أسابيع بواسطة صحة سكاي .
-
تم تعديل هذا الإجابة منذ 11 الشهور و 3 أسابيع بواسطة
-
اهلا بيك
دائما بترجع اسباب الاكتئاب إلى أن في مشكلة في نظرة الشخص للذات والعالم والمستقبل بالاضافة الي اجترار الافكار اللي بيخليك حاسس بالندم والذنب علي كل شئ ضاع ولكن في الحقيقه ان لولا كل ده عمرنا ما كنا هنتعلم اي شئ ، دايما مع التعلم بييجي الالم ولكن هو تمن مضمون نتايجه لان لاولاه عمري ما كنت هاخد العلم، افتخر انك مريت بكل اللي فات ومازلت واقف علي رجليك واتعلم اكتر ازاي تستفاد من الخساير وازاي نبدا نتعلم من الاخطاء اللي فاتت ، حاول تبعد شوية عن الماضي أو الأفكار اللي بتسبب لك اكتئاب لأن التفكير فيه عمره ما هيزيد شئ المهم اللحظة دي وبس ايه اللي هيفيدني دلوقتي وايه اللي هيضرني دلوقتي لو قدرت تمشي بالمبدأ ده هتحسن كتير من رؤيتك لنفسك ولعالمك ولمستقبلك وهتكون قدرت تاخد أول خطوات صح لعلاج الاكتئاب و قدرت تتخلص من الاكتءاب ولو حسيت الموضوع صعب ده عادي انت بس محتاج شوية مساعدة من مختص
دومت بخير
-
أهلا بك
الادوية لوحدها مش هتحل الاكتئاب لازم يكون في بعض المجهود منك لتغير رؤيتك ونظرتك للي بيحصل من حولك عشان متفضلش طول الوقت معتمد علي أدوية علاج الاكتئاب حاول تبدأ تفعل بعض الانشطة الحياتية اللي بطلت تعمها نتيجة انخفاض مزاجك ، حاول تخرج من الماضي اللي اسرت نفسك فيه وشعور الذنب الملازم ليك عشان تتغير نظرتك لنفسك ولعالمك ولمستقبلك وتقدر تتغلب على اعراض الاكتئاب.
دومت بخير
-
اهلا بيكي<div>اللي تاعبك مش انك اتأذيتي من الناس لأن كلنا بنتعرض لده ودي طبيعه البشر منذ بداية الخليقة، ولكن اللي تاعبك هو انك مقدرتيش تصدي الاذي ده عنك ومقدرتيش تعبري عن نفسك وده بسبب انخفاض مهارات توكيد الذات عندك حاولي تنمي المهارات دي عندك وساعتها هتلاقي نفسك بتقدري تعبري وتردي وتصدي الاذي عن نفسك. </div><div>
</div><div>تاني حاجه محتاجه اقولهالك ان العالم مش هيكون كله جنه ولا كله نار احنا مش محتاجين نعيش بالطريقه اللي تناسب ناس معينين محتاجين نعيش بالطريقه اللي تريحنا وعشان نعرف ده لازم نعرف نفسنا اكتر ونديها حقها وقدرها اللي تستحقه لان محدش هيعملنا كده بدالنا </div><div>
</div><div>دومتي بخير</div>