هند احمد يوسف Hend Ahmed youssef
تم إنشاء إجابة طبيب
-
<div>
</div>الف سلامة
احنا مش بنفكر في الماضي الا لو عايزين ناخد منه العبرة فقط . لازم تستمتعي بالحاضر و تعيشي هنا و الان لان تفكيرك في الماضي معطلك عن الحاضر و المستقبل
حاولي تشغلي نفسك و تبذلي مجهود بدني ( زي لعب الرياضة )
نظمي وقتك و لازم يكون عندك هدف توصلي له
دوري علي نقاط قوتك و حاولي تستغلها
حاولي تمشى علي نظام غذائي متوازن و تنامي عدد ساعات كافية
و لو في فرصة انك تطوعي في عمل تطوعي او نشاط جماعي يبقي هايل
اكيد عندك هواية ممكن تشغلي نفسك بها و لو مفيش حاولي تكتسبي مهارات جديدة
مهم جدا نتقبل الواقع و نتكيف معه و ندور علي فرص جديدة دايما يعني تحاولي ترجعي تذاكري و يكون في هدف من دا
لو في طفل صغير تلعبي معاه او حيوان أليف .
لو عملتي كل دا و لسة تعبانة يبقي تزوري طبيب يوصف لك علاج دوائي
-
<div>
</div>اهلا بيك
علشان تنام كويس لازم اولا تثبت موعد للنوم كل يوم نفس الموعد و يكون في ظلام و هدوء
و يسبقه روتين مكون من ثلاث او اربع خطوات مثل ١_ ربع ساعة رياضة
٢_ دش ساخن
٣_ مشروب يساعد علي الاسترخاء كاللبن او الينسون او تأكل ثمرة موز او كوب زبادي
٤_ قراءة في السرير لمدة ربع ساعة
يكرر الروتين و ابعد عن التليفون المحمول و اغلقه من قبل النوم بساعة
-
<div>
</div>اولا لازم تحبي نفسك و تهتمى بها و سامحيها علي اللي فات و ركز ي في اللي جاي انها تكون أفضل من كدة و ان انتي تستحقي تعيشى حياة افضل بترك المعاصي و اوعي تقارني نفسك بحد المهم تقارني نفسك زمان بنفسك دلوقتي من غير معاصي و كافي نفسك انها قدرت تبعد عن المعاصي انتي تقدري ترسمي الطريق اللي انتي عايزاه و تمشي فيه . فكري بعقلك و خططي و اعملي فقط اللي انتي شيفاه صح
نفسك هي أقرب حاجة لك لازم تطوعها حسب ارادتك و دا باهتمامك بكل تفاصيلها و بلاش تجلديها.
تكوني اجتماعية و عندك أصدقاء دا بيرجع لحسن تواصلك مع الناس و انك ما تصدري أحكام علي احد و تحلي بالصبر علي تصرفات الناس و بعض التجاهل و التغافل و اعرفي ان ما فيش حد كامل كلنا عندنا نقائص
صدقيني لو حبيتي نفسك و صالحتيها هتحبي الناس و يبقي عندك أصدقاء و تكوني اجتماعية
-
<div>
</div>يجب التقرب من المصاب و مناقشته في مخاوفه التي يعاني منها ( في مكان خالي من المشتتات) و هنا يبدأ الدعم النفسي بهدوء و أهم شئ حسن الاستماع و لازم تبين له انك فاهم مشاعره جدا . و بعد كدة تسأله ان كان يحب انك تساعده لكن فهمه انك هتساعده لكن مش هتكون مدافع عنه و تفهمه انه عنده القدرة للدفاع عن نفسه و ان دورك يقتصر علي المساندة فقط إنما هو عليه البدء و مهم جدا احترام رغباته و عدم اجباره علي اي شئ . و حاول تاخد مشورته .
دا هيعزز شعوره بالثقة في النفس
انا انصح بالعلاج السلوكي المعرفي بجانب العلاج الدوائي
-
<div>
</div>لابد من التخلص من التفكير الزائد.. لان اغلبه سلبي و بدأ بالفعل بالتأثير علي صحتك النفسية و الجسدية و لهذا أدعوك للنظر لنصف الكوب المملؤ و ان تكون أكثر تفاؤل لان التفاؤل سوف يؤثر علي حالة التوتر التي أصابت قولونك . انا لا أعني ان تتجاهل مواقف الحياة المزعجة لكن الفكرة ان تتعامل مع المواقف بشكل إيجابي و دائما انتظر الأفضل سوف يحدث .
من المفيد جدا لحضرتك :
تمارين الاسترخاء و التأمل
وضع الأهداف و التركيز علي الأولويات
ممارسة الامتنان
الاعتراف بنجاحاتك
خاطب نفسك بشكل إيجابي دائما
لا تجلد ذاتك ابدا
تعلم اشياء جديدة
مارس الرياضة و نمي هواياتك
-
<div>
</div>اولا : لازم البنت تعرف ان الوالدين في اتجاه واحد . يعني السلوك دا مرفوض من آلام و الاب معا.
ثانيا : اهم شئ طريقة التواصل مع البنت لازم تكون بالتعاطف و الرحمة مفيش داعي للعنف في المعاملة
بالعكس ابدأ معها الكلام بأنا متفهم شعورك.
ثالثا : لابد من تعريفها بتغيرات سن البلوغ من الناحية الاجتماعية و العاطفية و ليست الجسدية فقط . و التأكيد علي ان التغيرات الاجتماعية لا تسمح بأشياء معينة.
البنت مشاعرها متصاعدة تبحث عن القبول و الانتماء فلازم تشعرها بالقبول في البيت لكى لا تبحث عنه خارجا و ذلك بالاهتمام بها و تفضية الوقت لها و الاهتمام و الثناء علي شكلها و شخصيتها كمراهقة و ليست طفلة _ لانه قد يكون كلامها مع الاولاد _ نوع من لفت الانتباه انها ليست طفلة.
الاهتمام بها و التقرب يقوى الروابط بينك و بينها و يبعدها عن ما تفعل لانه كل ما كانت الروابط قوية كان سهل عليك غرس القيم الاخلاقية و الدينية فيها.
في النهاية ابنتك لديها احتياجات عاطفية لابد من تلبيتها داخل البيت و يتم ذلك بحسن التواصل.
-
احمرار الوجه يعتبر نوع من انواع الاستجابة الطبيعية للقلق الاجتماعى او الخجل وهناك عدة طرق لتخفيفه منها :
١_ تمارين التنفس بعمق مما يساعد على الاسترخاء و يقلل تسارع ضربات القلب بالتالي يقلل الاحمرار
٢_ الابتسام و الضحك يقلل مستويات التوتر و يساعد على الاستجابة للقلق و الضغط بصورة طبيعية
٣_ تنظيم درجة الحرارة من لبس ملابس قطنية و عدم الخروج فى الشمس و شرب الماء الكافي
٤_تجنب الاتصال بالعين لمنع التوتر
٥_ تجنب المحفزات كالاطعمة الغنية بالتوابل او المشروبات الساخنة