منى عبداللطيف
تم إنشاء إجابة طبيب
-
بسم الله الهادى
المشكلة الأساسية تكمن فى الأفكار اللى عندك واللى بتأثر على مشاعرك محتاجة تعودى مع متخصص علشان يعلمك إزاى تبنى أفكار ومشاعر عن الشخصية المتزنه اللى بتنجح وتفشل وتقع وتقوم وتسمع كلام إيجابى وسلبى فالإتزان يعنى وجود الأتنين فى حياتى وأعرف أتعامل إزاى بإتزان فى كل المواقف اللى بمر بها وده بيكون بخطة مبنية على تدرج لبناء وتكوين أفكار جديدة
وربنا يهديك للخير دايما
-
بسم الله النور
فى قاعدة مهم جداً فى موضوع الأفكار أن الشئ اللى بترفضه وتقومه بشدة بيزيد وبيكبر لإنك ببساطة كانك بتسلط كل تفكيرك ومشاعرك ععليه فيظهر كتير قدامك والحل بيكون فى تقبل الأمور ومعرفة كيفية التعامل معها ببناء أفكار جديدة تمحى القديم بالظبط زى لما تحتاج تغسل كوب متسخ بتغسله مياة نظيفة فيزول الإتساخ ولكن لا يتم غسله بنفس المشروب السابق فيه ، فحاول تعود مع مختص علشان يعلمك إزاى تتعامل مع الأشياء المرفوضة وتبنى أمور أخرى محببه
وربنا ينور بصيرتك للأحسن
-
بسم الله السلام
حضرتك محتاجة تعودى مع متخصص يساعدك فى التعامل مع الأفكار الخاصة بذاتك وبنيها عن نفسك بإنك ليس ليك رأى فى أى شئ وثقة فى تفكيرك عن نفسك وأيضاً يساعدك فى أفكارك تجاه الأخرين وإزاى تتعامل معهم فى سلام وتناغم يريحك ويريحهم وهنا لإزم يعلمك أمور عن العلاقات وإزاى تطوريها وتنميها فى سلام بدون ضرر ولا ضرار
ومهم كمان إنك تشغلى نفسك بامور محبب ليك وتقدرى تحققى فيها إنجاز علشان تحس بقيمة الأشياء اللى بتعمليها وأكيد عندك حاجات تقدرى تكونى متميزة فيها لإن فيكى نفخة من الله وميزك على سائر المخلوقات فأكيد عندك كتير
حاولى تهتمى بأكلك وشربك علشان متزوديش فى الأكلات اللى تعملك خمول كتير والعبى رياضة حتى لو مشى فى البيت
وربنا يكتبلك الخير والسلام فى كل أمورك