نشوى حيده Heda
تم إنشاء إجابة طبيب
-
السلام عليكم
الخوف الدائم والقلق الدائم هما اعراض لاضطراب في الشخصيه وسيطره افكار ومشاعر خاطئه علي تفكيرك وبالجوء الى جلسات الدعم النفسي او العلاج النفسي سيتم علاج هذه الاضطرابات وتعديل هذه الافكار حتي تعود الشخصيه كما كانت في الماضي ويعود الشغف والحماس ، بالاضافه الى تعلم كيفيه التغلب علي شعور فقد الاهل ومعرفه اسباب اضطراب علاقاتك بالاخرين وتصحيح وعلاج هذا الاضطراب
اتمنى لكى كل الخير
-
السلام عليكم
الوسواس القهرى لابد من علاجه سواء بالادويه او بالعلاج النفسي والعلاج المعرفي السلوكي والحياه والتعايش معه امر في غايه الصعوبه
وهذا ما ادى الى هشاشه نفسيتك وانهيارها عند حدوث موقف صعب من زميله في الكليه وهذا الموقف لم تحتمليه ولم تستطيعي تجاوزه والتغلب عليه وعلي مشاعره السلبيه ، فرفضتى الحياه واضطربت كل علاقاتك بالمحيطين بكى
لابد من استشاره طبيب نفسي او معالج نفسي لمساعدتك في الشفاء باذن الله من الوسواس وايضا لمعرفه اساليب افضل للتعامل مع المواقف الصعبه ومعرفه كيفيه السيطره علي مشاعرك وافكارك ومهاره التعامل فى ظل الضغوط والازمات
اتمنى لكى كل الخير والشفاء باذن الله
-
السلام عليكم
ربنا يبارك لحضرتك في زوجك واولادك
زوجك محتاج يشعر بقيمه الحياه وباهميتها وبانها هديه غاليه جدا وقصيره جدااا ولن نستطيع ارجاعها مره اخرى بعد انتهائها
زوجك عنده خوف وقلق وعدم ثقه في الناس ولذلك متعلق كل التعلق بيكى ولا يشعر بالامان الا وانتى بجواره لانك اكتر انسان بيثق فيه وعارف كويس انك لن تؤذيه مثل الاخرين
لابد من خضوعه لجلسات دعم نفسي او علاج نفسي لتعديل وعلاج افكار الخوف والقلق عنده والرهاب الاجتماعى ولو رفض حاولى تطمنيه انك هاتحضري جلسات العلاج معاه حتى يطمئن لوجودك بجانبه وباذن الله يتم شفائه على خير وتطمنى عليه باذن الله
-
السلام عليكم
دى حاله رهاب اجتماعى وخوف وقلق من التعامل مع الاغراب ، يعنى انك بتشعري بالامان فقط وانتى في البيت ومع اهلك لانك مطمنه لوجودهم معاكي داخل البيت لانك عارفه انهم بيحبوكى ومش هاتتأزى منهم ابدا زى الناس الاغراب في الشارع وطبعا مش هاتقدري تاخديهم معاكى في كل حته وفي كل مشوار ، ولذلك بتفضلي الجلوس في البيت لاستحاله وجودهم معاكي في كل مكان
حالتك ممكن تتعالج باذن الله لو لجأتى لجلسات دعم نفسي او علاج نفسي وده هايساعدك تغيرى افكار الخوف والقلق من الناس الاغراب ومن التواجد في مكان بدون الاهل
وتمنياتى لكى بالخير والسلامه
-
السلام عليكم
يعنى ايه تبعدى الناس عنك علشان ماتتعبيهمش ؟؟؟
ماتتعبيهمش في ايه بالظبط ؟؟ لو كنتى بتتعبيهم في طلبات ليكى كتيره فبلاش تطلبي طلبات كتير ممن حولك وحاولى تعتمدى على نفسك فى امورك الخاصه، ولو بتتعبيهم نفسيا او بتشتكى كتير او اى تصرف بيزعجهم ، حاولى تبطليه
لان الناس لو بعدتيهم عنك بارادتك او بتصرفات خطأ بتعمليها معاهم ففي كلا الحالات هايبعدوا عنك ( ولو كنت فظا غليظ القلب لانفضوا من حولك )
ماتبعديش حد عنك لان وجود الناس اللى بيحبوكى في حياتك هما ونس وامان واحتواء
وحاولى تبعدى عن اى تصرفات تبعدهم او تنفرهم منك
وربنا يوفقك لكل خير
-
السلام عليكم
الله يرحم والدتك ويعفوا عنها ،
الموت قدر مكتوب ومفروض علي كل كائن حى وليس الانسان فقط ، وله توقيت محدد ( لا يستأخرون ساعه ولا يستقدمون ) وبقدوم لحظه الوفاه هنا تاتى لحظه تسليم ورقه الاجابه وتنتهى استطاعه الانسان عن فعل اى شئ او تقديم الخير او العون لاى حد ولا حتى يستطيع تحقيق هدف اوحلم كان يتمنى تحقيقه .
الحياه هديه غاليه من الخالق لكل منا فلا تضيعيها بالانعزال وبرفض الناس وابعادهم عنك ،
من حقك تحزنى ، او تبكي او تنعزلي بعض الوقت حتى تتعافي من حاله الفقد ، ولكن انظرى للحياه علي انها فرصه ولكل يوم ولكل لحظه ولكل نفس تتنفستيه على انه منحه من الله لك ، لان كل غايه وامنيه اى انسان ميت هى لحظات يعود فيها للحياه ليعمل الخير ويرضي ربه (ربي ارجعون لعلي اعمل صالحا فيما تركت ) وفي ايه اخري ( ربي لولا اخرتني الى اجل قريب فاصدق )
فمازالت الفرصه امامك فاغتنميها و لا تضيعيها في العزله والرفض
وان لم تستطيعي ذلك بنفسك فالجأي الى معالج نفسي يساعدك في تخطى هذه الحاله والخروج منها باذن الله
هداكى الله لكل خير ، امين يارب.
-
السلام عليكم
التعلق بشئ او التعلق باى شخص من اخطر المشاعر اللى ممكن تدمر الانسان وتدمر حياته لان اى شئ واى انسان واى كائن ممكن يختفوا من حياتنا فجأه بموت او فقد او تغير مشاعر او .. او… ، ولذلك التعلق باى شئ قابل للزوال وقابل للفناء كفيل بانه يدمر حياه الانسان ونفسيته اذا زال او اختفى .
وانتى بقالك عشره سنين موقفه حياتك من بعد فقد والدتك ، ودى مده طويله جدا جدا وتراكم خلالها افكار ومشاعر سلبيه كتيره لابد من علاج هذه الافكار والمشاعر وذلك عن طريق جلسات دعم نفسي وممكن تكون الجلسات اون لاين لو المحيط اللى انتى فيه لا يسمح لك بحضور الجلسات وجها لوجه
ربنا يوفقك ويهديكى لكل خير امين يارب
-
السلام عليكم
اذا كانت الوساوس اللتى تشعرين بها بدأت منذ ثلاث سنوات فهذا معناه ان هناك حدث ما حصلك ترتب عليه شعورك بالوساوس دى كلها
لابد ان تلجأى لمعالج او اخصائى نفسي حتى يستطيع معرفه اسباب هذه الوساوس واسباب الخوف المرضي والقلق والتوتر ومساعدتك في التخلص منها والتغلب عليها حتى تعود ثقتك بنفسك ولطبيعتك الاولى باذن الله
وفقك الله لكل خير
-
السلام عليكم<div>
النقص في تقدير الذات سببه عدم تقديرك للقدرات وللامكانيات وللمواهب وللهبات اللى ربنا خلقها جواكى ووهبها لكى واللى بتختلف بالطبع من انسان لانسان وبتميز انسان عن انسان اخر … دورى جواكى علي الهبات والقدرات الخاصه بيكي وانتى هاتعرفي قيمتك واهميه وجودك في هذه الحياه
اما ثقتك بنفسك فتختلف عن ثقتك بالناس… المفروض انك تثقى في نفسك يعنى تثقى في قدرتك وفي استطاعتك انك تحققي كل حلم بتحلمى بيه او اى هدف تريدى تحقيقه بالاستعانه بالله وباتخاذك كل الاسباب وكل الوسائل اللى تساعدك في تحقيق ده
اما الثقه في الناس فمش مطلوب منك انك تثقي في الناس بلا حدود .. لا .. لابد من وضع حدود وضوابط لثقتك بالناس ويكون فيه حذر في التعامل معاهم ووضع احتمالات بانهم ممكن مايكونوش قد ثقتك دى في يوم من الايام زى المثل المصرى اللى بيقول (حرص من صاحبك ولا تخاونوش)
اتمنى انى اكون افدتك وتمنياتى لكى بكل الخير
</div>
-
السلام عليكم
المشاكل اللى مع الاهل والانتقادات القديمه منهم خلاكى ماتشوفيش اى جوانب حلوه في شخصيتك او مميزات فيكي او النعم اللى ربنا منعم عليكى بيها ولا القدرات اللى مديهالك واللى تقدري بيها تحققي كل اللى بتحلمى بيه او تحققي بيها اى هدف عايزه توصلي له … فالانتقادات جعلتك تشوفي نفسك فاشله وانك حتى لما بتدخلي في علاقات بتفشل هى كمان … وده غلط مش حقيقي
انتى محتاجه تتعرفي علي نفسك بشكل جديد وبطريقه مختلفه تماما عن اللى كنتى بتسمعيه من الاهل منذ الطفوله وحتى العلاقات لازم تتعلمى ازاى تختاري الناس اللى يدخلوا حياتك وازاى تتعاملى معاهم بطرق ماتقللش من قدرك ولا تؤثر علي كرامتك ولاتحسسيهم انك قليله وانهم كتير عليكى ، وده ممكن يساعدك فيه حد متخصص في الدعم النفسي او العلاج النفسي وباذن الله تتحسن صورتك امام نفسك وترجع ثقتك بنفسك باذن الله
ربنا يوفقك دايما لكل خير .