• الطب النفسي

  أعانى من وسواس

  منشور من طرف نانسى على 2023-01-29 في 03:21

  حدثت حادثه لمدرسه ابنى أثناء ذهابها لمنزلها رضيت بقضاء و قدر و انو عمرها بعدها بكام يوم حدث خلاف بين زوجى حزنت حبه بعدين بعدها بيوم تعبت بليل قلقت على نفسى هنا وسواس جالى و مسكنى من نقطه ضعفي ولادى و لو جالك حاجه انا الحمدلله راضيه ياللى ربنا كاتبه بس ولادى صغيرين و ببقى خايفه من وسواس و بدغى ربنا يطول عمرى و سواس مخلى حياتى جحيم بجد كل ما ابقى احسن ترجعلى افكار دى تانى

  منى عبداللطيف أجاب منذ 1 عام و 9 الشهور 2 أعضاء · 1 رد
• 1 رد

• 

  منى عبداللطيف

  عضو

  2023-01-29 في 10:19

  معالج تقييمات الأعضاء أرسل رسالة

  Up

  1

  Down

  ::

  بسم الله البارئ

  حضرتك محتاجة تمشى فى عدة إتجاهات أولها وأهمها إنك تروحى لمختص يعمل خطة علاج هدفها الرئيسى التعامل مع الأفكار وفى طرق كتير للتعامل مع الأفكار علشان تقدرى تطردى الأفكار والواسوس اللى بتجيلك بإستمرار

  الإتجاه الثانى حاولى خلال الفترة دى تعلى طاقاتك الإيمانية علشان حفظنا وحفظ ولادنا وسبل الخير لينا وليهم بأيد الله وحده وإحنا كلنا أسباب لبعض فالحفظ والأمن بيد الله

  الإتجاه الثالث محتاجه تشغلى بالك كتير بأمور مختلفة تخليك تنظرى لحياتك بشكل مختلف ومنها تشغلى بالك علشان تقل الأفكار

  الإتجاه الرابع وهو الرياضة والغذاء الرياضة بتجعل الجسم أهدى من التوتر وبتزيد الهرمونات اللى بتقلل التوتر والخوف حتى لو بشكل بسيط زى المشى فى البيت وموجود على اليوتيوب كتير وكمان الغذاء هيساعد جسمك إنك تكونى مستريحة وميزدش التوتر عندك لإن جزء كبير من الأعصاب بيكون حول الجهاز الهضمى فكل دى أمور هتساعدك تتغلى على اللى بتشعريه بيه مع خطة العلاج

  وربنا يعافيك من أى سوء ويحفظك

تسجيل الدخول للمشاركة