-
اكتئاب
سؤالي عن الشراهة في الاكل والاكتئاب بسبب زيادة الوزن وعدم القدرة على السيطرة برغم معرفتي باضرار السمنة ورغبتي اصلح الخطأ
-
2 الإجابات
-
عزيزتي السائلة🌿
شاكرة ليكِ اهتمامك، وحرصك وسؤالك، فسؤالك هذا يدل على رغبتك في التغير وفعل الافضل لكِ ولصحتك، فشكرا لكِ لهذا الحرص🌸
• في بعض الاحيان بيحصل أنه لما تكون مشاعرنا عالية أو نشعر بمشاعر غير مريحة بالنسبالنا نشعر بالرغبة في الاكل لتخفيف حدة المشاعر ده، فمحتاجين نسأل نفسنا:
– يعنى ايه شراهة في الأكل بالنسبالنا، وده معناه ايه بالنسبالك؟
– ومحتاجين نراجع مع ايه سلوكياتنا في الاكل عمتا، وخاصةً وقت الحزن او الزعل!
– هل في وقت باكل فيه أكثر من العادي!
– محتاجين نعرف ايه الطقوس الي بتحصل قبل الاكل -خاصةً وقت الحزن او المشاعر العالية- بتخليني أكل أكثر من العادي!
– بتعامل مع مشاعري إزاي في المُطلق! ويتعامل معاها إزاي وقت الحزن الشديد أو الاكتئاب؟
– ايه أفكاري عن الأكل، وايه أفكاري عن الزيادة في الوزن، وايه أفكاري عن السمنة، وعن الصحة!
– الأكل بالنسبالي ايه؟
– وأنا صغيرة (من 5 ل 15سنة) كنت بعمل ايه لما اكون زعلانة، او هما كانوا بيتصرقوا معايا إزاي وقتها؟
راجعي اجابات الاسئلة ده جواكِ، وهاتي ورقة وقلم ولاحظي سلوكك وطريقتك في الأكل واكتبي ده في ورقة📝
وشوفي ايه الي بيحصل قبله، وايه الي بيحصل بعده، عشان نقدر نحط أيدينا على المشكلة بالظبط ونقدر نتعامل معاها بشكل فعال✨
– واشجعك على لعب الرياضة، ولو دقيقة يوميا مشي في البيت 🚶
– اشجعك جدا تتوجهي لمختص لو لقيتِ في تحدى في التسجيل والرصد وإدارة الأكل🌱
🖊اخصائي نفسي اكلينكي/ هاجر أسامة
-
مساء الخير تحياتي ليك واشكرك ع ارسال استفسارك لينا اول خطوة في حل المشكلة معرفة المشكلة الخطوة الثانية انى اعرف اسباب المشكلة .. اولا طريقة كلامنا وتحدث الذات السلبية بناء ع افكارنا مع مشاعرني طبعا يبقى تاخد قرار انك تتكلم مع نفسك بطريقة ايجابية تفكرى دائما فى الامور الايجابية اللى عندك ثالثا طبعا جلسات الاسترخاء والتامل مفيدة جدا والعلاج بالكتابة وكمان العلاج بالالوان مفيدة جدااا وانك تحكي مع حد مختص مفيد برده .. كمان المشي او مارسة الرياضية وشرب المياه مع ذكر افكار ايجابية وانتي بتشربي المياه بتعطي طاقة ايجابية لان اجسامنا 80 %منها مياه بالاضافة كمان قبل الوضاء والصلاة لابد من الاستعاذة من الشيطان وذكر الله دائما وعمل اى اعمال لينا فى اليوم علينا دائما ذكر الله هيساعدك ع طرد الواسوس دى كلها مع جلسات التامل والاسترخاء اعطي عقلك فرصة للتفكر والفصل تمام عن كل التفاصيل ومشاكل اليومية.. انتى اكد عندك ارادة في حياتك كتيير تحديتي نفسك انتصرتي ابدى اعملى كنترول احكي انك عاوزة اخدتي قرار بكده خلي عندك اصرار اول ما تبد الافكار السلبية تهاجمك قولى ستوب ابدى اعملي اى حاجة تاني اذكرى الله استعيني بالله ربنا معاكي
ربنا يوفقك سعيدة برسالتك
-
تم تعديل هذا الإجابة منذ 9 الشهور و 1 أسبوع بواسطة معالج نفسي سوزان مصطفى ربيع .
-
تم تعديل هذا الإجابة منذ 9 الشهور و 1 أسبوع بواسطة
Log in to reply.