-
الثقه وحب الذات
مش عارفه اثق ف نفسي وله احبها بسبب مشاكل من الأهل وانتقادات قديمه والتجارب الحب الفاشله حاسه اني فاشله ف كل حاجه وبجد فكرت ف الموت كتير وحولت انفذ ده
-
2 الإجابات
-
السلام عليكم
المشاكل اللى مع الاهل والانتقادات القديمه منهم خلاكى ماتشوفيش اى جوانب حلوه في شخصيتك او مميزات فيكي او النعم اللى ربنا منعم عليكى بيها ولا القدرات اللى مديهالك واللى تقدري بيها تحققي كل اللى بتحلمى بيه او تحققي بيها اى هدف عايزه توصلي له … فالانتقادات جعلتك تشوفي نفسك فاشله وانك حتى لما بتدخلي في علاقات بتفشل هى كمان … وده غلط مش حقيقي
انتى محتاجه تتعرفي علي نفسك بشكل جديد وبطريقه مختلفه تماما عن اللى كنتى بتسمعيه من الاهل منذ الطفوله وحتى العلاقات لازم تتعلمى ازاى تختاري الناس اللى يدخلوا حياتك وازاى تتعاملى معاهم بطرق ماتقللش من قدرك ولا تؤثر علي كرامتك ولاتحسسيهم انك قليله وانهم كتير عليكى ، وده ممكن يساعدك فيه حد متخصص في الدعم النفسي او العلاج النفسي وباذن الله تتحسن صورتك امام نفسك وترجع ثقتك بنفسك باذن الله
ربنا يوفقك دايما لكل خير .
-
السلام عليكم، انت ذكرتي نقطة جيدة وهي انك عارفة سبب مشكلتك وإن الانتقاد هو السبب ومشاكل الأهل، هاقترح عليكي بعض القراءات، كتاب مهارات الحياة، القلب الواعي٢,١، شفاء الطفل الداخلي، إساءات الطفولة ل د اوسم وصفي، مع إعادة التفكير في صحة المعتقدات الثابتة في ذهنك عن نفسك والتحقق منها وتصحيحها، والتعبير عن مشاعرك لشخص تثقي فيه أو بالكتابة، وإذا لم تشعري بتحسن، فأنصحك بطلب مساعدة متخصصة، تحياتي وتمنياتي لكي بالسعادة وحب الذات..
Log in to reply.