-
الوسواس القهري
أنا بعاني من الوسواس القهري في الدين بقالي 7 سنين احيانا بقدر اتحكم في نفسي واحيانا تانية مبقدرش اسيطر على دماغي وافكاري .. الوسواس بدأ معايا بالظبط من وانا في 2 جامعة ومستمر لغاية دلوقتي ..
بعد ما اتخرجت في 2019 بدأت اضور على شغل .. مفيش شغل بروحه وبعرف اكمل فيه بسببه .. الناس اللي في الشغل احيانا بيحسوني شخص غريب الاطوار اكمني طول الوقت ساكتة .. احيانا بيبان عليا علامات عدم التركيز والزغللة والرمشة .. احيانا بتعرض لمواقف فيها سخرية واستغلال من اللي قدامي لانه شايفني شخص مش مركز وكأني مش شايفة قدامي …
المواقف دي كلها اثرت عليا وعقدتني في نفسي .. دايما لما بسمع عن الوسواس بيتقال عيش حياتك وتجاهل الفكرة .. انا لما بعيش حياتي وبتجاهلها وبنزل شغل مبيحصلش اي اختلاف بردو وبتفضل الازمة زي ما هى ..
لدرجة اني ببقى مشتتة أكتر ونظرات الناس ليا بقت بتوجعني وبتخليني مهدودة وكارهة انزل الشارع .. كارهة اصلا اقوم من ع السرير واعمل اي حاجة في البيت ..
اسلئتي هى :
– اعمل ايه مع الوسواس ؟ ازاي اتخلص منه لان الاسئلة مبتبتطلش .. انا عندي اسئلة زعزعة في ديني مع الاديان التانية .– هل لو نزلت اضور على شغل يبقى حرام عليا علشان انا دماغي بتعاني من الوسواس ؟
– هل من حق حد انه يبصلي نظرات مش كويسة بسبب الحالة اللي احيانا بتبان على وشي مع اني في الغالب بحاول اتحكم في نفسي ومبينش اللي حاسة بيه .ساعدوني ارجوكم وقولولي اعمل إيه و ايه الحلول التانية غير التجاهل
-
1 Reply
-
اسأل الله لك تمام الصحة والعافية.
لاشك أن مرض الوسواس القهري من أصعب الأمراض النفسية التي قد يمر بها الإنسان .. وفي الواقع هو أيضاً من أصعب الأمراض النفسية في العلاج لانه يحتاج إلي جهد كبير من الطبيب ومن المريض.
الأعراض التي ذكرتيها هي أعراض شديدة القسوة يمر بها مريض الوسواس القهري في مراحل متقدمة من المرض .. محاولة تجاهل الأعراض نادرا مايفيد في تلك المرحة من المرض .. لابد من علاج دوائي يصفه الطبيب النفسي مع بدأ بعض التدخلات النفسية مع أحد المعالجين النفسيين المتخصصين في الوسواس القهري.
الوسواس القهري عادة مايصيب الانسان في المواضيع المهمة له .. الشخص المتدين مثلا تأتيه الوساوس في القضايا الدينية .. الشخص المهتم بأطفاله تأتيه وساوس متعلقة بأطفاله .. الشخص الحريص علي صحته تأتيه الوساوس المتعلقة بالصحة والأمراض .. وهكذا
الأسئلة التي طرحتيها تعبر عن خوفك الشديد من القرب من الحرام وتدينك الطيب .. الحلال والحرام يفتي فيهم علماء الدين اما من الناحية الطبية فلا حرج أبدا في البحث عن عمل اذا كنتي قادرة علي القيام به لكن لا تضعي نفسك في وظائف قد تضيف عليك أعباء نفسية.
ليس من حق أي انسان السخرية او التهكم علي أي نفس بشرية فكلنا صنعة الله .. كل انسان منا يمر بتحديات كثيرة ، بعضنا يكون تحدي حياته هو شريك الحياة ، وبعضنا يكون تحدي الحياة عنده هو التغلب علي مرض عضوي أو نفسي .. الأشخاص الذين ينظرون إليك تلك النظرات السقيمة هم أشخاص لا يفهمون طبيعة المرض النفسي ولا ينبغي أن تهتمي بهم .. الأهم هو ذاتك وكينونتك
Log in to reply.