-
كيف اتخطى يومي بدون تفكير وبدون اكتئاب؟
انا بتحصل معايا حاجات بتسبب لي ضيق وبفضل افكر فيها ومش بتتطلع من راسي بحاول اشغل نفسي بس برضو برجع اعيد تفكير في الحاجات الي بضايقني وبكتئب وبوصل لمرحلة اني اقلل من نفسي وشخصيتي وساعات بفقد الامل في الدنيا و المجتمع وبحس اني غير مقبولة من الي حواليا.. في كل خروجاتي بتحصل معايا مواقف بتضايقني اوي وبتأثر في نفسيتي وبتخليني اقلل من قيمة نفسي بقيت بكره اني اخرج مش عارفه اعمل ايه.. بواجه صعوبه في النقاش مع الناس في اثناء الاجتماعات العائلية بخاف اتكلم لاني بخاف كلامي يطلع غلط ويقللو مني.. نفسي اطلع من الي فيه واعيش زي اي واحدة بدون اكتئاب ولا تعقيد.
-
2 الإجابات
-
السلام عليكم
عزيزتى السائلة ، احب ان اطمنئك انك انسانة جميلة مرهفة الحس ولديكي زوق ومعنى للحياة وتقدري نفسك وحاسة بقيمة نفسك جدا ، متستغربيش كلامى علشان احنا حاليا فى مجتمع يسودة الهدم والفشل والضعف والاضطرابات النفسية فكونى على ثقة من نفسك كبيرة ولا تتاثري بما يظهر من هذا المجتمع الحياة ليست عادلة فكونى فخورة بنفسك دائما واسعى لان تجدي الاشخاص المتخصصين لكي يساعدوكى فى ذلك …
مع خالص تمنياتي بالشفاء
-
السلام عليكم
كل اللى انتى حاسه بيه ده ناتج من ان الاهل مقدروش يفهموكى قيمه نفسك وقيمه وجودك في الاسره وقيمه وجودك في الحياه اصلا ، بل بالعكس احتمال كان فيه انتقادات كتيره وتغليط علي كل موقف او غلط بتعمليه لغايه مابقيتى خايفه من انك تغلطى وانك هاتتعاقبى لو غلطى، وده طبعا خلا ثقتك بنفسك معدومه نهائيا و خلاكي تخافي من الناس وتخافي تغلطى قدامهم وبالتالى تبعدى عنهم
علشان ترجع ثقتك في نفسك وفى قيمتك في الحياه وتعرفي قيمه الحياه نفسها وتتعلمى ازاى تقدرى نفسك وقدراتك بنفسك ومن جواكى من غير ماتنتظرى حد يمن عليكى ويشعرك بالثقه دى او يمنحها لكى وممكن يمنعها عنك تانى في اى وقت بمزاجه
لازم تلجأى لمعالج نفسي يقدر يعلمك ازاى تكتسبى ثقتك بنفسك (بنفسك) وازاى تعرفي قدراتك وازاى تنميها وكمان ازاى تكون علاقاتك بالمحيطين بيكى علاقات ناجحه وسويه
ربنا يوفقك لكل خير
Log in to reply.