-
كيف اتوقف عن التفكير السلبي؟
مرحبآ اسمي شيماء عمري 26 سنة انا احيانآ بيتملكني التفكير السلبي دائمآ بفكر باشياء قد تحدث بشكل سلبي في حياتي بسبب ذلك يسيطر عليا الخوف والقلق والضيق مع العلم انني لم اكن كذلك ولكن بسبب ظروف حدثت اصبحت لا استطيع ان اتوقف التوقع عن اشياء سلبيه واكثر شيء يراودني انه لا احد يحبني والناس تنظر لي باستقلال وبقلة قيمة. في الواقع انه لا استطيع ان اتحدث كثيرآ مع المجتمع لانني خجولة وانطوائية اكثر من اللزوم وهذا الشيء يضايقني كثيرآ مع عدم اجتماعي مع العالم اصبحت لا اعرف ان اتكلم بشكل صحيح واذا تكلمت تتبعثر كلماتي احتاج مساعدتكم للخروج من كل هذا.
-
2 الإجابات
-
اهلا بيكي
القلق بيخليكي تفكري في مليون احتمال لكل موقف وكلهم اسوء احتمالات وقد يكون بعضها خيالي ودي من سلوكيات الطمأنة ان الواحد يجيب اسوء وافظع حاجة ممكن تحصل ويبدا يتعامل علي ان هو ده اللي هيحصل فعلا والافكار تجيب افكار وكل فكرة تفعل وراها فكرة تانية اقوي فتلاقي نفسك في حلقة مفلرغة من الافكار اللي لازم تنتهي بيكي لحالة انفعالية سيئة جدا وانهيار ولكن اسألي نفسك سؤال مهم جدا ، هو ايه اسوأ حاجة ممكن تحصل ؟ هتعرض لموقف محرج ؟ هفشل ؟ الناس هتقول عليا كلام سئ ؟ هيبصولي بصات غريبة ؟ كل ده هيسبب مشاعر سيئه جدا ولكن بعد المشاعر ما تنتهي هوصل لحاجة مهمه جدا ، ان انا اتعلمت من الموقف وطالما اتعلمت يعني كان في شوية الم مصاحب للتعلم ده ، اسألي نفسك ايه الدليل ان كل ده هيحصل هل في دليل واقعي منطقي ملموس ؟ ولو موجود ازاي اقدر اتعامل معاه واواجهه واحله بدل ما اهرب منه ؟ مع كل سؤال هتسأليه لنفسك هتكشفي كل الافكار السلبية دي لانها كلها افكار تلقائية ملهاش اساس ، قوي حاوري نفسك بشكل فعال عشان متتسحبيش لفرط التفكير ولو اتسحبتي فيه رجعي نفسك بهدوء للحظة اللي انتي فيها دلوقتي وكل ما هتنجحي في المحاولات دي كل ما عقلك هيتاكد انه يقدر يخرج من فرط التفكير ومن التوقعات الكتير ويعيش بهدوء وراحة حتي لو لوقت بسيط ، وكمان اهتمي جدا بالطريقة اللي بتتنفسي بيها كل ما كانت ابطأ كل ما كان افضل عشان تخرجي من حالة ال Panic اللي بتدخلي فيها وان شاء الله هتقدري تبقي احسن
-
يسعد مساءك بكل خير طيب اولا عايزك تحكي مع نفسك بالشكل ايجابي افضل من كده انتى انسانة مميزة وناحجة غير كده كلنا عندنا نفس شعورك انا مقدرة الضغط العصبي اللى عليكى ليكى بس شوية خطوات الاول تجنبي اى محفزات عصبية مارسي اى نوع رياضية تمشي ربع ساعة هيفرق معاكي جدااا كمان عايزكى تتنفسي تاخدى نفس وتحبسها 4 ثواني وتخرجه 4 ثواني كررى كذا مرة لغاية لم تهدى كمان ادخل البلكونة او اعمل اى حاجة فى المطبخ او اخدي شاور او اتوضي وصلي او ادخلى اوضتك وخدي نفس كذا مرة واهدي وراجعى اتعاملى ..كمان اخدى بالك من صحتك اكلك اكلى سلطة فاكهة المهم دخلى اى اكل صحي كمان اكتبي كل مشاعرك واحساسيك ع الورق ارخص طريقة للعلاج بجد رائعة كمان اهتمى بذاتك ونفسك وكمان اقضي وقت مع صحبة الايجابية …انا فى انتظار ردك عليا
Log in to reply.