-
ما اشعر به من سوء ناتج عني او بسبب المحيطين بي ؟
انا انسانه خجولة جدا وغير اجتماعية والحياة او البشر بالمعنى الاصح خلوني ادفع تمن ده انا نفسيتي متأذية اوي انا مش عارفة اغير انطباعي ده الي اتولدت بيه اعمل ايه محدش مقدرني ولا محترمني بيقولو فيا وانا بتحمل وبتعب نفسيآ بجاملهم وكأني ولا يهمني بس والله بكون مقتوله اوي من جوايا كرهوني في نفسي بيعاملوني على اساس اني مش موجودة هم مش بياخدو بالهم من كده بس انا اخدت بالي وانجرحت وانكسرت نفسي وبكمل ولاكأنو حاجه طب ليه اقعد وسط ناس بانطباعي بدل ما يتركوني على راحتى يضغطو عليا ويتريقو عليا انا بجد حاسة بنقص كبير اوي جوايا او اني متعايشه مع النقص ده انا تحملت كتير اوي اوي نفسي اقول للدنيا كفايا وتوقف على كده لاني مبقتش قادرة اتحمل بالرغم من صغر سني وانا متحملة القد الكبير اوي ده ازي هتكون باقي حياتي وهقدر اتعايش معاها بالاساس ازاي!!! انا بدعي ربنا اني اقوى بس ويبقا عندي ردة فعل قويا ومجيش على نفسي انا عايزة ابقا قوية اوي بس مش عارفه… انا عايزة تساعدوني اتصرف وابقى في وسط الناس قوية ازاي وازاي اكون من نفسي بنت قوية اوي…؟؟؟؟؟؟؟؟؟؟؟؟؟؟
-
1 رد
-
السلام عليكم ورحمه الله
المشكله مش مين السبب ومين الغلطان ، انتى ولا الناس ..
الحكايه ان الناس اللى بنتعامل معاهم بيشوفونا بنفس الصوره اللى شايفنها احنا عن نفسنا ، يعنى لو شايفين نفسنا اقويه نفسيا (هما هايشوفونا كده برضو)
ولو شايفين نفسنا ضعفاء وقليلى الحيله (هيشوفونا كده هما كمان)
يعنى اى صوره او انطباع بناخده ونصدقه عن نفسنا ده بيخلى الناس اللى حوالينا يشوفونا بنفس الصوره وبنفس الانطباع وبيأكدوه لنا ليل ونهار وكل ما يشوفونا او يتعاملوا معانا
وانتى شايفه نفسك(ضعيفه ، انطوائيه، خجوله، ضعيفه ، قليله الحيله ، الناس بتتريق عليكى وانتى مش عارفه تردى عليهم ولا توقفيهم عند حدهم ، بتدعي ربنا انك تكونى قويه (وده اعتراف وتأكيد مستمر لعقلك الباطن انك ضعيفه وقليله قدام نفسك )
كل الرسايل دى انتى عماله تبعتيها يوميااا لعقلك الباطن لغايه ماصدق فعلا وتاكد له انك فيكى كل الصفات دى ، وانك لايمكن ومستحيل هاتقدرى تغيريها
لا… كل الافكار والمشاعر السلبيه ممكن تتعالج وتتغير وتتحول من افكار سلبيه عن نفسنا وعن الغير .. الى افكار ومشاعر ايجابيه وتتغير ساعتها نظرتنا لنفسنا ونظرتنا وسلوكنا تجاه الغير
كل اللى انتى محتاجاه انك تلجأى لمعالج نفسي او اخصائى نفسي وعن طريق الجلسات النفسيه هايساعدك في تعديل وعلاج افكارك ومشاعرك تجاه نفسك وتجاه الناس والعلاقات كلها من حولك ، وازاى تقدرى تشوفي نفسك صح وتقدريها صح وتعرفي قدراتك ونقاط قوتك وازاى تستغليها بطريقه صحيحه وازاى تقدرى تواجهى اى تنمر او اسائه ممكن تتعرضى لها .
تمنياتى لكى بنفسيه قويه وصلبه ، لا تنكسر بسهوله مهما تعرضت للتنمر او للضغوط .
Log in to reply.