-
مريضة بايبولر..وقفت الدوا بسبب أعراضه الجانبية..ولكن بعد شوية وقت رجعت أتعب.
أنا مشخصة ببايبولار 2 بقالي فترة..مؤخرا سبت الدكتورة اللي كنت بتابع معاها وسبت كمان الادوية لأن آثارها الجانبية كانت بتسبب لي حرج من نفسي قدام الناس ومبقتش بقدر أستحملها..بالفعل وقفتها حوالي شهر ونص..وطول المدة دي أنا جسديا بخير..وظنيت أن ده كان قرار صح وأني مش هضطر أمشي على أدوية تاني بعد كدة ومش هحتاج دكاترة..لغاية من كام يوم..بدأت الأعراض الجسدية ترجع لي بشكل عنيف..أعصابي بتسيب وإيدي بتترعش ومبعرفش أتحكم فيها.. لما آجي أمسك حاجة بتقع مني..ده سبب لي مشاكل في الشغل وحرج..وبالتالي قعدت في البيت متجنبة النزول بقالي ٤ أيام أهو ..في الأيام دي ملازمني وجع رهيب في دماغي..ودوخة طول الوقت..لدرجة أني مبقدرش أتحرك من السرير أو أقف عشان أصلي..حتى الماية لما بحتاجها بنادي اللي يجيبهالي..وفي زي وخز في وشي كله بدماغي أو حاجة زي تنميل..كل ده موقفني خلاص الفترة دي ومخليني بفكر جديا أرجع للدوا..رغم أني مكنتش لاقية معاه تحسن..مكنتش بشوف غير أعراضه الجانبية بس..فتنصحوني بإيه؟
-
1 رد
-
اسأل الله لك تمام الصحة والعافية.
اضطراب ثنائي القطب من الأمراض المزمنة التي تحتاج إلي علاج لفترة طويلة غالبا ما تستمر لسنوات .. الالتزام بالدواء أمر مهم جدا للحصول علي فترة كافية من الاستقرار تسمح للمريض باستكمال حياته الطبيعية دون اضطرابات كبيرة.
الأعراض الجسدية المذكورة ليست بالضرورة علامات علي اضطراب ثنائي القطب فنادرا مايؤدي المرض إلي تلك الأعراض الجسدية المذكورة .. رعشة اليد، الدوخة، ألم الرأس والشعور بالوخز كلها أعراض من النادر أن تكون بسبب اضطراب ثنائي القطب .. المرض الأقرب الذي قد يكون مصاحب لبعض تلك الأعراض هو اضطراب القلق العام ويحتاج دائما لاستبعاد الأسباب العضوية قبل تأكيد التشخيص .. بعض الامراض العضوية مثل اضطراب العذة الدرقية قد يؤدي إلي بعض الأعراض الشبيهة ويجب دائما استبعاده.
ليست كل الادوية النفسية تؤدي إلي نفس الأعراض الجانبية، كل دواء له أعراض مختلفة .. الاستمرار علي الدواء أمر مهم في كل الاحوال و دور الطبيب النفسي هو أن يناقش مع المريض الأنواع المختلفة من الأدوية وشرح الاعراض الجانبية لها حتي نصل إلي دواء ذو أعراض جانبية غير مزعجة للمريض .. اختيار الدواء بعد النقاش مع الطبيب النفسي أمر مهم جدا لأنه يؤثر علي استمرار المريض في أخذ الدواء.
Log in to reply.