-
مشكلة اسرية
انا عندي ثلات اولاد ومنفصل عن زوجي بس ابني الكبير مش عارفه اتعامل معاه عنده١٦سنه مش راضي يروح المدرسه ويضيع مستقبله وصبرت اكتر من شهر عليه ومراحش ويسبب مشاكل لنا في المدرسه وتعبت نفسيا عشانه اعمل ايه معاه ,ابني عارف اني بزعل اما مايروح المدرسه وبسمع ألفاظ مش كويسه منه وهو بيلعب علي التليفون وأما اخده منه كنت هاروح المدرسه بس عشان اخدتي التليفون مش هاروح
-
2 الإجابات
-
السلام عليكم ورحمه الله
ابنك يفتقد القدوه والاب الحقيقي في حياته وكل التصرفات الخاطئه اللى بيعملها هى تمرد ورفض لاى اوامر او فروض عليه بسبب سن المراهقه والذى يفتقد فيه الابن لصداقه الاب وحكمته ومشاركته لابنه في كل الانشطه المفضله لدى الابن وفي هذه المرحله ايضا يحتاج الابن من الاب التشجيع المستمر علي النجاح والتفوق و تحقيق الاهداف
كما يحتاج الابن ان يشعر ان الاب يثق فيه وفي قدراته وانه متوقع منه كل تفوق ونجاح
حتى ولو كنتم منفصلين كزوج وزوجه ، فلابد من عمل علاقه قويه جداااا بين الاب وابنائه او بناته (وخصوصا بناته) لان لوجود الاب في حياه الابناء والبنات اثر مهم جدااااا لا يحل محله اى شخص اخر او اى رجل اخر مهما كان قريب من الابناء .
والله هو الموفق لكل خير .
-
السلام عليكم
بسم الله الولى
أولاً ربنا يباركلك فيهم ويصلح أحوالهم كلهم ويجعلهم ذرية صالحة
ثانياً الولاد فى السن ده بيكونوا محتاجين لأب وأم علشان يقدروا يشبعوا كل إحتياجاتهم النفسية فممكن تبدأ تعودى قاعدة بصدق مع زوجك السابق وتقوليله تربية الأولاد مسئولية مشتركة بينا ولازم نتعاون فيها أن نساعدهم يكونوا شخصيات متزنه وأنا محتاج منك إنك تساعدنى فى ذلك فلو وافق يكون خير وبركة هتعودوا وتتفقوا سوا هتعملوا إيه مع كل الأولاد
ثالثاً لو هو رفض أن يشترك معاكى أو قالك هما معاكى دلوقتى وأنا مليش دعوة فهنا تخدى نفس وتستعين بالله وتنوى إنك تربيهم وتكونى الأب والأم ليهم وأن شاء الله ربنا هيقدرك وقتها وفى ناس كتير نجحت تعمل كده مع ولادها بس ممكن تعودى مع مختص فى التربية علشان مرحلة المراهقة ليها شوية مفاتيح تخليكى قادرة تتعاملى معاه بشكل أفضل بدون ما تبذلى مجهود فى الفارغ
وربنا يقدرك ويقويكى عليهم وتفرحى بيهم دايما
Log in to reply.